Historie
Høgtun Kultursenter er tusenårsstaden til Marnardal kommune.
Anlegget vart opphavleg bygd som ein folkehøgskule i 1922, og låg i det som då heitte Øyslebø kommune. Anlegget har 4 bygg; hovudbygget, verkstad- og uthus, Borghallen (festsal kombinert med gymnastikksal) og styrarbustad (med to leigebustader). Då skulen opplevde fall i søkjartilgangen, vart eigedomen teken over av Øyslebø kommune.
Staden vert nytta som kultursenter med lokale for organisasjonar og utleige til private, i tillegg til lokale for kunst- og museumsutstillingar. Styrarbustaden er i dag museumslokale.
Anlegget ligg på ei høgd med flott utsyn over bygda Øyslebø og elva.
